Suspicion

 PROPERTIUS I, III 

sic ait(1) in mollī fixa torō cubitum:
'tandem tē nostrō referens iniūria lectō 35
alterius clausīs expulit ē foribus?
namque ubi longa meae consumpstī tempora noctis,
languidus exactīs, ēi mihi, sīderibus?
ō utinam tālīs perdūcās, improbe, noctēs,
mē miseram quālīs semper habēre iubēs! 40
nam modo purpureō fallēbam stāmine somnum,
rursus et Orpheae carmine, fessa, lyrae;
interdum leviter mēcum dēserta querēbar
externō longās saepe in amōre morās:
dum mē iūcundīs lassam Sopor impulit ālīs. 45
illa fuit lacrimīs ultima cūra meīs.'

(1): Sc. Cynthia.