Regulus N' Roses

FRAGMENTUM Ē RĒGULŌ (LE PETIT PRINCE) ANTŌNIĪ DE SAINT-EXUPÉRY

Trāduxit Augusto Haury (Hartcourt Brace & Company. Annō 2001)

RĒG. Nēquāquam meae rosae similēs estis, inquit: nihildum estis. Nec vōs quisquam mansuēvit neque ā vōbis quisquam est mansuētus. Tālēs estis quālis vulpēs mea erat. Haec centum mīlibus aliīs similis erat. Postquam autem eam mihi amīcitiā conjunxī, inter omnēs singulāris facta est.

Ac rosās vehementer pudēbat. Ille rursus:

RĒG. Formōsae quidem estis, at inānēs estis. Nihil est cūr quisquam prō vōbis moriātur. Mea quidem ipsīus rosa praetereuntī cuīvīs ūnī vōbis similis esse vidērētur. Ūnam autem eam plūris quam vōs omnēs faciō, quoniam meam aquam sparsī; quoniam in eam tegumentum vitreum imposuī; quoniam eam contrā vim ventī mūnīmentō illō dēfendī; quoniam ējus ērūcās—praeter duās trēsve pāpiliōnum causā—interfēcī; quoniam eam querentem vel glōriāntem vel etiam conticescentem audīvī; quoniam mea rosa est.

Imāgo: https://elcadillacnegro.files.wordpress.com/2016/01/guns-and-roses-logo.jpg